Kumpiri Blues

to je bila jena normalna štorija
jena normalna štorija, ud života, ud života
a on i ona para dva, ona se je udala, a on uženija
ne zna se ki je dobija, a ki je zgubija

ma ti život je teka normalno
i ni bija gradski, je bija to život na selu, je bija to život na kampanji
i njih dva sami, njih dva sami, saku večer sami
su gledali televiziju i to se normalno je hodilo

on je bija vani na kampanji, je kopa kumpir
a ona je doma stala sama
kakov put je došla njegova mama (tako da ona ne bi bila sama)
je došla mati
i ni stila poj doma, ni stila poj doma

i ča bi uoni sad s ton sekrvon učinili??? ča bi sekrvon?

a još je bila ingamba, ovako, još je mogla delati tutta forza
pak su je poslali u kampanju, su rekli
gle, tamo imamo ti kumpiri za zajti
ćeš poj u kampanju, ćeš nam zvadit tih kumpiri za večeru

ma ni bila jako kuntenta, ma steši je pošla
tako, s tima kilami je hodila, kako tobože j' nije volja
pak se je domislila da su valja i črnci kantali te radničke pjesme
i se je domislila da bi si mogla olakšati ko bi ča zakantala, ko bi ča zakantala
pa si je našla jedan verš, više ovako kako da je škura i debela, pak je rekla:

JA VADIM KUMPIRE, KUMPIRE VADIM JA!
JA VADIM KUMPIRE, KUMPIRE VADIM JA!
ta na naj, ta na naj, ta na naj, KUMPIRE VADIM JA!

a on iznutra govori:
pleše naša sekrva!
kako da ni kumpiri blues

i to su bili bili kumpiri
suša je bila pak su bili lipi, čisti
ni hi rabilo muliti ni truniti, me kapiš?
to ni padalo dva miseca, ćo, to je hodilo, samo je skakalo van
KUMPIRI, KUMPIRI BLUES!
BILI KUMPIRI, BILI KUMPIRI BLUES! KUMPIRI BLUES!

Tamara Obrovac, Istra, Hrvatska